Започна караванот на УМС за прикажување на претставата “Македонска крвава свадба”
Вчера од Охрид започна караванот на Унијата на млади сили на ВМРО-ДПМНЕ за прикажување на аматерската театарска престава “Македонска крвава свадба”.
Преставата беше одржана во Домот на културата Глигор Прличев, каде што ја проследија на 400- тини љубители на театарската уметност.
УМС на ВМРО-ДПМНЕ преку театарската престава ќе се обиде да ги потсти сите млади луѓе во Република Македонија за историските вредности и културното наследство.
“Особено задоволство ми е што тука вечерва пред охридската публика нема да се престават професионални актери, туку глумци аматери, членови на Унијата на млади сили” изјави Владимир Нелоски, претседател на УМС на ВМРО-ДПМНЕ.
Тој додаде дека овој начин ќе се обидат да го зачуваат културното и историското наследство на Република Македонија, но воедно и да им се оддаде потчит на сите оние кои што ги положиле своите животи за татковината.
Караванот на УМС ќе продолжи и наредната недела во Народниот театар во Штип.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа