„Снежен град 2015“ 18 до 22 февруари на Попова Шапка
Традиционалната детска манифестација „Снежен град“ годинава ќе се одржи од 18 до 22 февруари на Попова Шапка.
Како што соопштија од Детскиот културен центар Карпош, Снежниот град ќе го градат деца, ученици од повеќе училишта од Скопје и други места.
Распоредени во екипи од по десетина деца со свој ментор тие ќе го изградат својот град кој што на 22 февруари со свечено отворање во 11,00 часот ќе го предадат на посетителите со што почнува вториот дел на манифестацијата Снежниот карван којашто ќе се одвива до 28 февруари.
Во рамките на манифестацијата ќе се одржат и бројни други активности од креативно-рекреативен карактер, како избор на Снежна убавица, спортски игри, пинг понг, билијард, рачен фудбал и пикадо, Снежен крос, Најслатка бонбона, Снежно бинго, Бал под маски и диско-забава за учесниците на Снежниот град.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
