Се санира хаосот кој го оставија поплавите во Делчевско

Во Општина Делчево почна санацијата на штетите предизвикани од последните поплави.

Мостот на реката Желевица кај Тработивиште што го поврзува селото со православните гробишта е во фаза на санација. Однесениот насип е оспособен за пешаци, но по мостот уште не може да поминуваат моторни возила.

Забраната и ограничувањата за сообраќај на мостовите на реката Брегалница на улицата „Индустриска“ во Делчево и кај селата Тработивиште и Разловци остануваат во сила и понатаму.

Во санацијата на последиците од поплавите се вклучени Јавното претпријатие за комунални дејности и градежна меганизација на неколку приватни фирми.