Најстуденото утро годинава - живата падна до минус 14

Времето изутрина во Македонија ќе биде студено, а преку денот сончево со слаб до умерен ветер од северен правец.

Утринската температура ќе се движи од минус 14 до минус пет, а дневната од минус еден до осум степени.

Во Скопје слично време, со утринска температура до минус шест и со дневна до четири степени.

Следува период на стабилно и суво време. Утринските температури ќе бидат ниски и во петок. На повеќе места ќе се спуштат помеѓу минус 10 и минус пет степени, а од петок температурите ќе бидат во постепен пораст.

За време на викендот во утринските часови по одделни котлини ќе има појава на слаба магла.