Раде Стојановиќ и официјално во Металург

Искусниот лев бек и поранешен репрезентативец Раде Стојановиќ (36 г., 193 см.) е нов член на Металург.

-Доаѓам во специфичен период за Металург и се надевам дека со моето искуство ќе помогнам во реализација на зацртаните планови. Металург има млада и перспективна екипа која сигурно ќе го покаже својот квалитет. Очекувам тешка борба на секој фронт, но и освојување на второто место во првенството на Македонија и учество во завршницата на СЕХА-лигата. Се надевам дека Металург брзо ќе ги надмине моменталните проблеми и дека ќе се врати на местото кое му припаѓа, изјави Стојановиќ.