Македонскиот пратеник ја донираше целата плата за помош на поплавените

Пратеникот и претседател на Демократската партија на Србите во Македонија Иван Стоиљковиќ тукушто ја донираше целата пратеничка плата за помош на поплавените во Македонија.

- Секогаш сме тука да помогнеме кога е потребно, особено во тешки ситуации кога на луѓето навистина им е потребна помош. Знам како им е на поплавените, помагав на терен исто како што лани помагав и во Србија кога се случија големите поплави, изјави Стољиковиќ за Вечер.

Тој се надева дека неговиот пример ќе го следат и други.