Небото се отвори - 17 литри дожд за шест часа во Кавадарци

За шест часа во Кавадарци наврнаа 17 литри вода на метар квадратен, соопшти денеска Доне Илов од метеоролошката станица во овој град.

- До 13 часот во општина Кавадарци на мерното место на метеоролошката станица се измерени 17 литри нов воден талог, кој наврна денеска почнувајќи од шест часот изутрина. За неполн ден ова е голема количина вода, иако имало примери кога за само еден ден врнеле и до 50 литри дожд. Рекордите се постигнати и затоа, секоја нова количина дожд, не е добредојдена. Има штети во земјоделството и сообраќајот, рече Илов.

Тој нагласи дека редовно се следи состојбата за навремено информирање на надлежните и јавноста.