ВАЖНА ВЕСТ: Водата во Крушеани не смее да се пие!

Водата од локалниот водовод во Кривогаштани е исправна, но во селото Крушеани двете јавни чешми се загадени со фекалии и не смее да се пие, покажаа анализите на Центарот за јавно здравје од Прилеп.

 

Како што информира денеска епидемиологот Горан Кузески, водата од регионалниот водовод „Студенчиња“ во Прилеп и дел од населени места е бактериолошки и хемиски исправна.

 

- Засега епидемиолошката слика во регионот е мирна и нема пријави за заразни заболувања, нагласи Кузески.

 

За анализа беа земени 30 мостри вода за пиење од локални бунари и водоводи во населените места.

 

На сила е, како што рече Кузески, предупредувањето водата да се преврива или да се користи флаширана.