Никол го „откачи“ Луис Хамилтон

По седум години врска со повремени прекини се чини дека овојпат раскинувањето е конечно.

Познатата пејачка Никол Шерцингер го „откачи“ возачот на формула 1 Луис Хамилтон.

Се чини дека седмата година во врската навистина е критична, бидејќи шокантниот прекин дојде токму во седмата година од нивната врска.

Најверојатно, Никол одлучи да стави крај, бидејќи Луис одби да ја земе за жена и да основа семејство.

- Се караат со месеци, но сега работите станаа се полоши. На Никол и дојде преку глава, бидејќи Луис нема намера да се жени, открива извор за Дејли Мејл.

Двојката веќе неколку недели не е видена заедно во јавноста, а на неговиот Инстаграм профил стои нивна заедничка фотографија објавена пред еден месец.