Дел од скопските општини без струја
Времен прекин на снабдувањето со струја утре ќе има за дел од корисниците во скопските општини Чучер Сандево, Карпош, Студеничани, Кисела Вода и Центар, информира Центарот за справување со кризи Скопје.
Од 10 до 14:30 часот без струја ќе бидат корисниците од викендиците во село Побожје во Чучер - Сандево, од 09:30 до 11:00 часот од Горен Жданец во општина Карпош, а од 8 до 9 часот од ул. „бр.8“ во Батинци во населба Љубош во Студеничани. Без струја од 9 до 10:30 часот ќе бидат корисниците на дел од ул. „Иван Хаџиниколов“ во населбата Драчево во општина Кисела Вода, а од 09:30 до 11:00 часот, корисниците од бул. „Илинден“ бр.83 влез 1 во општина Центар.
Како што информира регионалниот центар за управување со кризи на град Скопје, причина за прекинот во снабдувањето со електрична енергија е изведувањето зафати во дистрибутивната мрежа од страна на екипите на ЕВН Македонија АД.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
