Сите училишта во Бутел со нов лик - ќе се гради и градинка во Радишани
Сите училишта на територија на општината Бутел ќе добијат нов лик, најави денеска градоначалникот Петре Латиновски. Од 2014 година веќе се реконструираат дел од училиштата во општината, а целосното реновирање ќе продолжи и во оваа година. Ќе им се смени кровната конструкција и ќе добијат енергетско- ефикасна фасада.
Латиновски го посети училиштето „Живко Брајковски“ во Бутел, чија изградба е во тек.
-Одлучивме од сопствени средства да изградиме од темел ново училиште кое се протега на 5.400 метри квадратни и кое ќе овозможи непречено одвивање на воспитно-образовниот процес на современ начин. Училиштето има капацитет за 1.200 ученици и се надеваме дека училишното ѕвоно ќе им чукне на учениците во предвидениот рок, односно на први септември, истакна градоначалникот.
Во првата фаза за изградба на ова училиште се потрошени 40 милиони денари, а за втората фаза општината издвои уште 66 милиони денари.
Покрај проектите во образованието, општината Бутел годинава ќе претставува едно големо градилиште, најави Латиновски. Во сите населени места ќе бидат реализирани предвидените проекти.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
