Вонредна инспекција ќе ја чешла Општина Центар
Денеска попладне, Државниот инспекторат за локална самоуправа (ДИЛС) ќе спроведе вонредна инспекција во Општина Центар. Целта на инспекторатот е да ја разгледа работата и начинот на кој се носат одлуки во Општината на чие чело е Андреј Жерновски.
Неофицијално, Инспекторатот одлучил да појде во Центар, откако низа предлог-одлуки на Жерновски и Советот на општината ја “стресоа“ македонската јавност и предизвикаа масовни протести пред општината.
Вчера, советничката група на ВМРО ДПМНЕ во општината, поднесе претставка до Државниот инспекторат поради нарушување на процедурата од страна на претседателот на Советот Мирослав Шиповиќ.
