Шеик го понудил целото богатство само одблизу да ја види нашата Симона

Викендов на Кипар, поточно во градот Кирениа, ќе се одржи изборот за Мис на Медитеранот 2015. Наша претставничка е 19-годишната Симона Станковска од Скопје, која веќе десетина дена е на Кипар каде заедно со останатите учеснички се подготвува за големото саботно финале.

Освен што се спрема за финалето Симона, која важи за една од фаворитките што не е ни чудно со оглед на досега освоените титули, мака мачи и со обожавателите, односно со некој шеик кому толку му се допаднала што почнал да нуди се и сешто само за да ја види одблизу, пишува Курир.

На Кипар Симона замина заедно со тимот од модното студио Црнокрак кое ја поседува лиценцата за Македонија за Мис на Медитеранот, а ова не и е прв настап на интернационални избори за убавина. Како победничка на изборот за Мис на Македонија 2013 за Мис Глоуб, на Мис Глоуб истата година освои дури 4 титули. Веќе следната година во Кина, во Санија, на островот Хајнан на интернационален избор за модели, во конкуренција од преку 80 девојки од целиот свет, ја освои титулата Втора придружничка.