Каде наврна најмногу снег? - висина на снежната покривка во Македонија

Висината на снежната покривка во седум часот била 45 сантиметри во Маврови Анови, 33 во Лазарополе, 23 во Крушево, 22 во Пожаране, 20 во Ѓуриште, 13 во Охрид, 12 во Претор, 10 во Тетово и Тополчани, седум во Битола,  шест во Прилеп и Крива Паланка, четири во Скопје-Зајчев Рид и три во Скопје-Петровец и Пожар.

Викендов се очекува значителен пораст на температурите, што ќе услови снежната покривка да се топи. Утре во североисточните делови, вклучувајќи го и скопското подрачје, ќе има услови за појава на слаб дожд, но во најголем дел од земјава ќе се задржи суво со умерена до значителна облачност. Во недела ќе биде сончево со мала до умерена облачност и релативно топло со дневна температура меѓу 7 и 15 степени.

Од вторник повторно следува стабилизација на времето.