Протекoa номинациите за Златна малина: Најлоши филмови во 2014 година
Филмовите „A Million Ways To Die In The West“, „Transformers: Age Of Extinction“, „Sex Tape“ и „The Interview“ ќе се борат за наградата „Златна малина“ за 2014 година, која се доделува за најлош филм, судејќи според информациите кои протекоа во јавноста.
Филмот „Transformers: Age Of Extincition“ се наоѓа на врвот на листата, пишуваат американските медиуми, и има дури девет номинации, меѓу кои и за најлош филм, најлош режисер, најлошо продолжение, најлошо сценарио, најлоша споредна актерка и најлош спореден актер.
По „Transformers“ следи филмот „ A million ways to die in the west“, а Шарлиз Терон која игра во него, номинирана е за најлоша актерка.
Камерон Дијаз номинирана е за најлоша актерка за улогите во дури два филма „Sex Tape“ и „The Other Woman“, како и за споредна улога во филмот „Annie“.
Официјалните номинации за Златна малина ќе бидат објавени на 14 јануари 2015 година.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
