Од ова стравува Македонија - леден бран доаѓа кон земјава

Интензивните врнежи кои ја зафатија Европа и предизвикаа големи проблеми во одвивањето на сообраќајот, од утре доаѓаат и на Балканот.

Метеоролошките служби во регионот предупредуваат дека за време на викендот силно снежно невреме ќе го зафати целото балканско подрачје. 

Возачите на моторни возила се предурпедуваат да не тргнуваат на пат без итна потреба, јави Танјуг. 

Во Хрватска, Црна Гора и Србија метеоролошките служби предупредуваат дека намалувањето на температурите е само вовед за снежното невреме што за време на викендот и последните денови од годинта ќе го зафатат целиот регион. 

Во Црна Гора снежни врнежи има во околината на Цетиње, поради што на патиштата е задолжително поседување на зимска опрема, а поради снежни врнежи е отежнат и сообраќајот на патниот правец Подгорица-Цетиње. 

Медиумите во Босна и Херцеговина јавуваат дека интензивни снежни врнежи има на планините, каде за викендот веќе се очекуваат скијачи бидејќи снежната покривка ќе достигне 20 до 30 сантиметри. 

Хрватските медиуми најавуваат дека ниските температури се само вовед за тоа што следи, особено за време на викендот, каде во некои делови на земјата се очекува и до половина метар снег. 

Силни снежни врнежи на територијата на Србија се очекуваат во недела попладне, кои ќе формираат снежна покривка од 10 до 30 сантиметри. Снежните врнежи ќе бидат проследени со силни ветрови и појава на снежни наноси. 

Метеоролозите предупредуваат дека од понеделник 29 декември до сабота 3 јануари не очекуваат ниски температури и студени денови.

Опасно во Европа

Префектурата на Савоа, во француските алпи, соопшти дека околу 15000 автомобили се блокирани на патиштата поради силните врнежи од снег, јавува дописникот на МИА од Париз.

Властите на Савоа го активирале ургентниот план за згрижување на возачите на автомобили во 12 општини од департманот. Станува збор за училишта или спортски сали во Албертвил. Бург Сант-Морис, Ла Бати, Ла Лашер, Еме. Мутие, Мако ла Плањ. Белентр, Шамбери, Екс-лес-Бан, Сант-Жан де Мориен и Сант-Реми де Мориен.

Сообраќајот се одвива отежнато по споредни патишта во 19 департмани на северот и истокот од Франција, односно во должината на границата со Швајцарија, Германија, Луксембург и Белгија. Овие департмани се наоѓаат во пороколава фаза за метеоролошка опасност.

Париските аеродороми Орли и Роаси за да ја избегант епизодата на блокирање на полетувањата и слетувањата на авионите, новите станици за подговтување на авионите за полетувања ги опремија со доволни количества гликол.

Снегот доаѓа и во Македонија

Времето во Македонија ќе биде променливо облачно. Значително облачно ќе биде во крајните западни делови каде ќе има повремени врнежи од снег. Во источните делови врнежите ќе започнат во вечерните часови и ќе бидат од дожд поради јужното струење кое што ќе донесе и затоплување во атмосферата. Ќе дува умерен до засилен ветер од југоисточен правец. Врнежите ќе бидат пообилни во текот на ноќта, каде што на планините се очекува да падне и нова снежна покривка чија што дебелина ќе биде од 20 до 40 сантиметри со што вкупната снежна покривка значително ќе се зголеми.

Утринската температура ќе се движи од минус седум до нула, а дневната од два до осум степени.

Во Скопје времето утре ќе биде променливо облачно. Во попладневните и вечерните часови со врнежи од дожд и од снег. Ќе дува засилен југоисточен ветер. Утринската температура ќе се спушти до минус четири, а дневната ќе се искачи до пет степени.

Во наредните денови ќе има спуштање на постудена воздушна маса од север кое ќе предизвика променливо облачно време и постудено, наместа со повремени врнежи од снег.

Инаку, висината на снежната покривка утрово изнесуваше во Битола 12 сантиметри , 11 во Маврово, Крушево и во Охрид, 10 во Дебар, Берово и Виница, 8 во Крива Паланка, 6 во Прилеп, 5 во Тетово и Лазарополе, 2 во Струмица и по 1 сантиметар во Штип и во Претор.