ФОТО: Промовирани новите засилувања во Вардар
Македонскиот најтрофеен тим ги промовираше новите засилувања Дејан Блажевски и Стефан Спировски.
Овие двајца играчи, заедно со Томе Пачовски, како и уште неколку најавени квалитетни фудбалски имиња, треба да го надополнат квалитетниот тим на Вардар кој чекори кон нова титула.
Секако дека „црвено-црните“ и без овие играчи беа фаворити број еден за шампионскиот наслов, но со новите засилувања полека, но сигурно се гради тим за фудбалска Европа.
-Имав понуда од Шкендија, но таа што ја добив од Вардар не се одбиваше. Тој е мој матичен клуб, најголем во државата и јас немав никакви дилеми кога станува збор за изборот. Секој играч посакува да игра во Вардар и јас затоа посакував да се вратам и да заиграм во неговиот дрес, вели Блажевски.
-Да бидам искрен, конкретна понуда добив само од Вардар, кога станува збор за Македонија, иако прочитав во медиумите информација која вели дека и Пелистер подготвил понуда за мене. Од Битола никој не ме контактираше. Се одлучив за Вардар, не само затоа што единствен беше конкретен во преговори со мене, туку и затоа што за мене лично е добар чекор напред, вели Спировски.
Репрезентативниот голман Томе Пачовски се договори со Вардар, но неговата официјална промоција се очекува пред стартот на зимските подготовки.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа