Џони Деп ќе се ожени за Нова година?

Холивудскиот актер го покани сите свои најблиски пријатели да ја пречекаат 2015-та година во неговата вила на неговиот приватен остров на Бахамите. Овој факт веднаш предизвика шпекулации дека најверојатно Џони и Амбер планираат тајна венчавка.

Деп и Херд испратиле покани за божем новогодишната забва на ѕвезди како Стивен Тајлер, Мерилин Менсон, Хелена Бонам Картер, Тим Бартон и др. Џони не е познат како организатор на големи забави и затоа жолтите медиуми се речиси сигурни дека поканите се всушност за свадба.

Извор близок до двојката, го изјави за весникот Sun следново: “Џони не е журкаџија по природа, а тоа дека сака да ги собере повеќето од најблиските пријатели и нивните семејства на Нова година дефинитивно е сомнително.”

Амбер и Џони отсекогаш имале намера да се оженат на плажа, но досега велеа дека не закажале датум за свадба.