Во судири меѓу полиција и демонстранти во Мексико 21 повреден
Во судири меѓу полицајци и демонстранти кои организираа концерт во знак на солидарност со 43 исчезнати студенти во мексиканската држава Гереро, повредени се најмалку 21 лице и опожарени се неколку автомобили.
Полициски претставник изјави дека во судирите повредени се осум полицајци од кои петмина биле прегазени од автомобил. Меѓу повредените се студенти, наставници, родители на исчезнати студенти и двајца новинари.
Полицијата и демонстрантите упатија меѓусебни обвинувања за судирите во градот Чилпансинго, престолнина на Гереро.
Случајот со 43 студенти кои исчезнаа во септември, а претпоставки се дека се убиени откако на нарко-картели ги испорачале локални официјални лица, предизвика протести ширум Мексико.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
