САД: Тројца повредени во пукотници пред училиште

Две момчиња и едно девојче се повредени денеска во пукотници пред едно средно училиште во американскиот град Портланд во државата Орегон, соопшти полицијата.

- Полицијата верува дка повредените ученици се од училиштето „Розмери Андерсон“ од Портланд, соопшти наредникот Пит Симпсон.

Тројцата повредени тинејџери биле во свесна состојба кога се префрлени во болница, додаде тој.

Симпсон засега не знае дали имало само еден напаѓач, или повеќе, но тој наведува дека прелиминарните информации укажуваат оти пукотниците се поврзани со некој од банда.