Старите згради во Велес стануваат енергетски ефикасни

Во Велес станбените згради за домување стари над 50 и повеќе години последните години се повеќе се реконструираат, односно се обновуваат фасадите, а се ставаат нови изолациски материјали, со цел  да станат енергетски ефикасни.

 

Како што информира  градоначалник на Општина Велес Славчо Чадиев интересот на станарите за реконструкција и доградба на старите згради во е се поголем посебно оваа година. Чадиев појаснува дека соработката се одвива преку Заедниците на станари.

 

- Тоа се приватни инвестиции на станарите,но ние им помагаме со што побрзо издавање дозволи за градба и стручни консултации и предлози од страна на нашиот стручен тим за градба, како и за начинот на изведување на реконструкцијата на зградите, појаснува Чадиев.

 

Со ваквите реконструкции на станбените згради освен поубав надворешен изглед на зградите, што е посебно важно се постигнува и енергетска ефикасност на нивните домови. Станарите по инвестицијата за реконструкција, заштедуваат енергија, а со тоа и пари, за греење на становите  во зима и ладење во лето, потенцира Чадиев.

 

Со ваквите реконструкции на фасадите станарите од велешките згради создаваат услови да  добијат енергетски пасош, а  кој наскоро треба да стане и законска обврска на сите станари во станбените згради во земјава.