Убив тројца пријатели, за мене нема живот“- возачот на БМВ-то се обидел да се самоубие

Душан Јовановиќ (19), кој минатата сабота со БМВ слета во Дунав и усмрти тројца млади луѓе, вчера се обидел да се убие во затворската болница, сечејќи се со остар предмет над дланките.

Обидот за самоубиство Душан го извршил на денот кога е погребана Анастасија Стајиќ (16), една од жртвите од кобното возење.

-Душан беше во болничката соба на одделението за психијатрија. Го искористи моментот кога во собата немаше никој од медицинските лица и се исече по рацете и тоа пред пациентите со кои беше во просторијата. На нивно барање, реагирале затворските чувари и лекари, по чиј налог Јовановиќ веднаш е пренесен во Клиничкиот центар, каде раните му се санирани, вели за „Блиц“ извор запознат со случајот.

Зорана Вучичевиќ, портпаролка на Управата за санкции за „Блиц“ изјавила дека случајот на Јовановиќ е окарактеризиран како самоповредување и дека тој не е животно загрозен. Таа не сакала да прецизира со каков остар предмет момчето се исекло.

Според неофицијални информации, Јовановиќ се обидел со жилет да ги пресече вените.

-Свесен сум за тоа каква трагедија предизвикав, убив тројца пријатели и затоа за мене повеќе нема живот, наводно рекол Јовановиќ.

Тој во затворската болница е префрлен еден ден откако му беше одреден притвор поради лоша пшсихичка состојба. Проценките на лекарите биле дека тој не е агресивен спрема себе, поради што е ставен во групна соба со други пациенти. Јовановиќ не бил врзан за кревет, што е стандардна процедура кога во прашање се пациенти за кои се проценува дека имаат самоубиствени намери.