Попоски на 15-от Самит на Франкофонијата во Дакар, Сенегал

Утре и задутре министерот за надворешни работи Никола Попоски ќе ја претставува Република Македонија на 15-от Самит на Франкофонијата посветен на темата: "Жените и младите, вектор на мирот и развојот"

Овој висок форум се состанува на секои две години, а овој пат ќе се одржи во Дакар, Република Сенегал.

Во оваа прилика, на маргините на Самитот, предвидено е министерот Попоски да оствари повеќе билатерални средби со шефовите на делегациите од земјите членки на франкофонскиот свет распространет на 5-те континенти.

Република Македонија е полноправна земја членка на меѓународната организација на франкофонијата од 2006-та година споделувајќи го францускиот јазик и вредностите заедно со преостанатите 76 земји членки и набљудувачи на втората по големина светска меѓународна Организација.