Колку ќе чинат билетите за спектаклот кој го подготвуваат Нокаут во Универзална?

Нокаут го одбраа најдобриот начин да ја заокружат оваа успешна година. Момците од групата, емоциите ќе ги споделат со своите фанови на еден голем концерт.

Овој пат, се одлучија за поинтимна средба- unplugged концерт во Универзалната сала, кој ќе се одржи на 17 декември во 20.00 часот.

-И овој пат вокална поддршка ќе добиеме од нашите драги соработници Игор Џамбазов и Владимир Поп Христов - Мио. Но, гостинската екипа сега добива и засилување, а тоа се легендите на македонската рок сцена - LAST EXPEDITION, како и нашиот хип хоп организам Тони Зен, информираат Нокаут.

Картите, кои ќе бидат во ограничен број, ќе бидат пуштени во продажба од 1-ви декември.

Од 1-ви до 10-ти декември ќе може да се набават по цена од 400 денари, од 11-ти до 17-ти декември до 18:00 часот - 500 денари, а непосредно пред почетокот на концертот на билетарата на Универзална сала - 600 денари.