Металург казнет со над 10.000 евра

Ракометниот клуб Металург е казнет со вкупно 10.616 евра заради неодиграниот натпревар од СЕХА лигата во Загреб на 5-ти ноември, што го пропушти заради штрајкот на ракометарите.

Ова е досега највисока казна изречена во СЕХА лигата и само дополнително ќе ја отежне финансиската состојба на клубот.

Казната за непатување во Загреб е 2.000 евра, на кои се додаваат уште 8.616 евра кои македонскиот клуб треба да му ги плати на хрватскиот домаќин за да ги покрие трошоците за организација на мечот.

Со седум одиграни натпревари Металург е на шестото место на табелата со 11 бода. 

 

 

Оцени ја веста

22.11.2014 - 11:11

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега