Поплави и во Косово- неколку села под вода

Во последните 24 часа голем број куќи и подруми во неколку села во општината Клокот се под вода поради обилните врнежи кој го зафатија Косово. Се уште не е познато колкава е штета од невремето.

Моментално не паѓа дожд во Косово и водата започна да се повлекува, но доколку продолжат врнежите, се закануваат нови поплави, пренесува РТС.

Реката Биначка Морава се излеала и поплавила неколку земјоделски посеви. Жителите на селата во општината Клокот веќе ги евакуираат домашните животни.

Поради поплавите формиран е и Кризен штаб во опшина Клокот, како и Комисија за проценка на настанатите штети.