Поплавите во Германија земаа седум животи
Најмалку седум лица загинаа во Германија во поплавите што зафатија неколку покраини во последните денови.
Во покраината Саксонија вчера загинал 74-годишен маж, кој доброволно помагал за санирање на штетите од поплавите. Претходно во истата покраина загинаа двајца спасувачи.
Во Баден-Виртенберг поплавите го однесоа животот на три лица вклучувајќи еден пожарникар.
Во Долна Саксонија една жена падна од велосипед и почина, но од инфаркт, а не од давење. Во градот Гера, Турингија, исчезнат е маж, кој е виден како го носи реката Вајсе Елстер.