Воздушен напад на сириската армија врз бегалски камп - најмалку 10 загинати
Најмалку 10 сириски бегалци загинаа денеска, а десетици се повредени, при воздушни напади на сириската армија во реонот на еден бегалски камп во северозападната провинција Идлиб, соопшти Сирискиот центар за мониторинг на човековите права, со седиште во Лондон.
Жртвите биле од Хама, од централниот дел на земјата, кои поставиле камп од шатори, а кој бил уништен при нападот.
Авиони на сириското Воено воздухопловство исфрлиле два контејнера со експлозиви врз кампот.
Во меѓу време, автомобил-бомба експлодира во алавитска населба во градот Хомс, при што се повредени најмалку 37 лица. Меѓу нив има и деца.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
