Реакција на МОН: Греење има во сите студентски домови, со исклучок на „Кузман"

Во интерес на вистината и објективното информирање на јавноста, Министерството за образование и наука известува дека во сите државни студентски домови функционираат и веќе се активни системите за греење, со исклучок на студентскиот дом “Кузман Јосифовски – Питу“ во Скопје, каде што се работи на санација на технички проблем поврзан со парните котли и очекуваме грејниот систем да биде ставен во функција во текот на утрешниот ден.

-Евидентен е обидот на дел од медиумите преку нереално известување за состојбите во студентските домови, со изнесување на нецелосни информации и додавање на субјективни видувања, јавноста да биде дезинформирана, стои во реакцијата од МОН на пишувањата во дел од опозициските медиуми.