„Лажен организатор на избор за мис се обиде да ме силува“

Ејми Вилертон (22) во својата исповед јавно говори како лажен организатор за избор на убавина се обидел сексуално да ја злоупотреби.

Откако во медиумите е објавен невистинит текст во кој се тврди дека била киднапирана во синџир на проституција, оваа убавица посака јавно да каже што и се случило во октомври 2011 година.

Таа учествувала на мис за убавина во Јужна Кореја во декември 2010 година и потоа преку Фејсбук добила шанса повторно да се натпреварува на уште еден мис наредната година. На крајот излегло дека натпреварот Мис Азија Пацифик е лажен и еден ден на вратата и почукал организаторот на тој настан.

„Дојде во мојата соба и ми ја повлече надолу маичката“, изјави Ејми.

Иако продолжи да се натпреварува, а со својата убавина ги освои титулите на Мис Бристол и Мис Лондон, Ејми првенствено сака да ја подигне свеста за опасностите кои демнат во индустријата на убавината и да ги заштити младите модел од лоши искуства.