Сакате да глумите? - се бараат статисти за филмот „Ослободување на Скопје“

За потребите на снимањето на филмот „Ослободување на Скопје“ во режија на  Раде Шербеџија, кој ќе започне со снимање на 31.октомври на повеќе локации низ Македонија, ќе се одржат отворени аудиции за статисти од сите возрасти.

Во Скопје аудициите ќе се одржат на 16 и 17 октомври од 12:00-20:00 часот во просториите на МКЦ. Во Велес на 18 октомври од 12:00-20:00 часот во просториите на НУЦК Театар „Јордан Хаџи Константинов Џинот“ и на 19 октомври од 12:00-20:00 часот во просториите на Домот на културата-Битола.