Во Прилеп првпат изградена Градска капела

На новите градски гробишта во Прилеп денеска беше осветена и пуштена во употреба новата Градската капела. Ова е прв објект од ваков вид што е изграден во Прилеп за потребите на граѓаните.

 

Градоначалникот на Прилеп Марјан Ристески нагласи дека објектот е граден според сите стандарди.

 

- Капелата е  изградена  на засебна парцела  од  4.500 метри квадратни, со градежен и корисен дел од 1.000  и со 500 метри квадратни урбанизирано плато.  Во капелата ќе можа да се одвиваат 4 погребални церомонии истовремено. Капелскиот дел е фрескоживописан за да може  да се извршува опело на покојникот. Инсталирана е и мортална касетна комора со 9 засебни комори и еден замрзнувач во вредност од еден милион и 260.000 денари.  Внатрешниот ентериер е осмислен да ги задоволува сите потреби за погребални церемонии, вели Ристески.

 

За потребите на  семејствата се издвоени и посебни простории, со цел да  им се олесни на граѓаните сите обреди да се извршуваат во капелата.

 

Вкупната инвестиција за изградбата на Градската капела е околу 25 милиони денари, од кои  12 милиони се од буџетот на локалната самоуправа а 13 милиони денари вложува ЈКП „Комуналец“ кој ќе стопанисува со објектот.

 

Денеска започнаа работите за изградба на уште една, помала капела на Старите градски гробишта во центарот на градот.