Кошаркарите на Реал Мадрид го освоија Суперкупот на Шпанија

Екипата на Реал Мадрид го освои првиот трофеј сезонава, откако синоќа во Виторија, во финалето на шпанскиот кошаркарски Суперкуп убедливо ја порази Барселона со 99:78.
 
Ова беше трета победа во низа во финалето за Реал против најголемиот ривал, а воедно четврти трофеј од Суперкупот. 
 
Предводник на „кралевите“ до трофејот беше Серхио Љуљ со 21 поен, а значаен ефект имаше и Руди Фернандез кој натпреварот го заврши со 15 поени.
 
Во составот на Каталонците најефикасен беше Анте Томиќ со 17 поени.