Среќен крај: По 100 дена во Систина 7 месечната Катја Тодоровска ќе си оди дома со мама и тато

Сто дена борба и неизвесност со среќен крај. По три неуспешни обиди за Ин витро Марина Тодоровска во Клиничката болница Аџибадем Систина на свет ја донела  малата Катја.

Бебето е  родено 3 месеци порано со тежина од само 830 грама. 

20 минити по раѓањето Катја била ставена во инкубатор.

Битката за нејзиниот живот ја воделе цел тим гинеколози, педијатри и неонатолози.

Поради отворен крвен сад Катја не можела самостојно да дише. Животот и зависел од кардиохирургот проф. Салис Таџер.

Ваквата ризична операција на толку мало бебе е прва на овие простори.

Големиот борец Катја сега има седум месеци, тежи 5 килограми  и не се одвојува од прегратките на мама и тато.