Малколм Јанг ја напушта групата АC/DC
Легендарниот рокер Малколм Јанг, основач на австралиската рок група АC/DC, нема да се врати во бендот, откако кон крајот на минатата година зема одмор поради болест, објавено е на веб страницата на групата. Не е објавено од што боледува Јанг.
- За жал, поради природата на состојбата на Малком, нема да се врти во бендот, пишува во соопштението.
Малколм Јанг (61) и неговиот брат Ангус, двајцата гитаристи, ја основаа АC/DC во 1973 година и го претворија бендот во еден од најуспешните на сите времиња.
Новиот албум на групата што ќе биде објавен во декември, ќе биде прв во 41-годишната историја на АC/DC каде нема да свири Малколм Јанг.
АC/DC идната година ќе оди на светска турнеја, а со бендот наместо Малколм ќе свири Стив Јанг, внукот на Малколм и Ангус.
Браќата Јанг се родени во Шкотска, но како деца со родителите се преселиле во Австралија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
