Кои се причините за несреќата на автобусот на ЈСП?

„Истрагата е во тек. Нашиот возач не може да каже детали бидејќи моментално е психички растроен. Автобусот ќе биде на технички преглед. Се уште не се знаат причините за несреќата“ – изјави за Канал 5 директорот на ЈСП, Мишо Николов.

49 патници се повредени откако утринава автобус на ЈСП се преврте кај Драчево. Сите се со помали повреди и скршеници, а една жена има и контузија на главата. Причините за несреќата се уште не се познати. Истрагата треба да покаже дали се работи за пребрзо возење, лизгав коловоз, техничка неисправност на автобусот или некое животно му го пресекло патот на возачот.

„Истрагата е во тек. Нашиот возач не може да каже детали бидејќи моментално е психички растроен. Автобусот ќе биде на технички преглед. Се уште не се знаат причините за несреќата“ –  изјави директорот на ЈСП, Мишо Николов.

„Автобусот е технички исправен“ – додава директорот.

„Сите останати 300 автобусите кои сообраќаат низ Скопје, се безбедни и ги почитуваат сите безбедносни процедури“ – уверува првиот човек на ЈСП.

“Не станува збор за преоптоварување, автобусот има капацитет да собере 100 патници“ – тврди Николов.

„Во текот на утрешниот ден ќе имаме повеќе информации за причините на несреќата“ – соопшти директорот на ЈСП.