Дилери паднаа во рацете на македонската полиција
СВР Охрид поднесе кривична пријава против 46-годишниот С.Н. од Охрид, за сторено кривично дело „неовластено производство и пуштање во промет на наркотични дроги, психотропни супстанции и прекурсори“. На 16.09.2014 година, во Охрид, од страна на полициски службеници извршен претрес во домот на пријавениот, каде се пронајдени и одземени хероин, таблета со лого „аппле“, банкнота од 10 денари и целофан од кутија цигари со непозната материја кои се дадени за вештачење.
ПС Кичево поднесе кривична пријава против 23-годишниот Ф.М. од Кичево за сторено кривично дело „неовластено производство и пуштање во промет на наркотични дроги, психотропни супстанции и прекурсори“. На 26.06.2014 година во Кичево од страна на полициски службеници извршен е личен преглед над пријавениот и пронајдена му е и одземена една кесичка со марихуана.
СВР Струмица поднесе кривична пријава против 29-годишниот М.В. од Струмица за сторено кривично дело „неовластено производство и пуштање во промет на наркотични дроги, психотропни супстанции и прекурсори“. На 03.07.2014 година во Струмица од страна на полициски службеници извршен е личен преглед над М.Г. и кај него е пронајдена марихуана.
ПС Свети Николе поднесе кривична пријава против 30-годишниот Д.Л. од Свети Николе за сторено кривично дело „неовластено производство и пуштање во промет на наркотични дроги, психотропни супстанции и прекурсори“. Во август 2014 година, на ул. „Карпошева“ за сума од 300 денари пријавениот продал марихуана на две лица од Свети Николе.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа