Се уште нерешена мистерија: Девојчето родено без крв тргна во училиште

Малата Мејси Вигнес пред четири години е родена без хемоглобин во крвта и успеала да преживее, а ваквиот случај е единствен досега забележан во светот.

Мејси ги воодушеви и учителите во основното училиште „Холи Крос“ во близината на ирскиот Траморео. Како што раскажува мајката на Ема, таа одлично се снашла во училишните клупи.

- Имаше случаи кога бебињата преживуваат со ниво на хемаглобин од четири, но без крв – не. Мејси имаше само мало ниво на плазма – прераскажува мајката Ема која девојчето на свет го донела со царски рез шест недели пред предвидениот термин.

Слатката Мајси две недели поминала во инкубатор и секојдневно била на трансфузии со крв и тромбоцити. Нејзиното слабо детско тело се изборило за живот.

Лекарите се' уште не утврдиле што е тоа што предизвикува бебешката крв во потполност да се апсорбира во телото на мајката како што е случајот со мајката и ќерката Вигнес.

Се смета дека причина би можело да биде траумата во бременоста, но Ема на тоа одмавнува со раката.

- Мојата бременост беше во ред се' до 34-та недела. Тогаш добив отоци и сe' тргна наопаку – вели Ема. Во нејзиниот случај веројатно дошло до пукање на дел од водењакот што предизвикало апсорпција на крвта од телото на плодот во матката.