Папата Франциск венча 20 двојки во базиликата „Свети Петар“
Папата Франциск денеска во базиликата „Свети Петар“ во Рим одржа групна венчавка на која во брак стапија 20 двојки, меѓу кои и такви кои повеќе години живеат заедно невенчани и имаат дури и деца.
При венчавката папата порача дека семејствата претставуваат „тули што го градат општетсвото“ и дека бракот е „вистински живот, а не телевизиско шоу“.
Меѓу оние кои се венчаа денеска се и Габриела и Гвидо кои со години живеat заедно и имаат и деца и кои сметале дека во такви околности никогаш не ќе можат да склучат црковен брак. За Католичката црква сексот пред брак е грев, но папата Франциск порача дека „Црквата простува“.
Ова е прва венчавка во Ватикан по 2000. година, кога тогашниот понтиф, Јован Павле Втори венча една двојка во базиликата „Свети Петар“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
