Доаѓа време за јакна: Што ќе донесе циклонот Талија

Веќе од средината на оваа недела ќе пристигне циклонот „Талија“ при што се очекува да донесе големо количество на врнежи на дожд и силен ветер.

Најстрашно се смета дека ќе биде во четврток  кога циклонот ќе ја погоди Хрватска.

Метеоролозите велат дека во текот на неделата во регионот ќе има голем пад на температурите. Прогнозите велат дека во земјава, можеме да очекуваме температури кои ќе се спуштаат и под 15 степени. Тоа значи дека е време да си ја распакувате есенската гардероба, бидејќи крајот на септември, најверојатно ќе го дочекаме во јакни.