ВИДЕО: 9-годишно девојче по грешка го застрела инструкторот

9-годишно девојче застрела инструктор за огнено оружје во САД откако загуби контрола врз автоматскиот пиштол Uzi.

Инструкторот Чарлс Вака, поранешен војник ја подучувал малата девојка како се пука со моќното оружје на стрелиштето во пустината Мохаве, но по еден испукан рафал, таа ја изгубила контролата врз автоматскиот пиштол, а еден од куршумите го погодил инструкторот во глава.

Полицијата објави видео од настанот и соопшти дека 39-годишниот инструктор настрадал од куршум и дека напорите на докторите за спасување на неговиот живот не вродиле со плод.

Неговите последни зборови што се слушаат на видеото се препораката девојчето да проба да пука во комплетно автоматски мод.