Трагедија утрово пред Гевгелија: Излетал од патот - додека барал помош го згазил автомобил

Трагедија се случила утринава околу 6:40 часот на автопатот Неготино-Гевгелија, јавува Курир.

Украинско возило „Даеву Нубира“ излетало од коловозот, по што возачот излегол од автомобилот да побара помош. Во тој момент на него наишол автомобил „Цитроен“  со српски регистерски ознаки и го усмртил на лице место.

По проверките утврдено е дека станува збор за украински државјанин, Спари Т. на возраст од 27 години.

Полицијата врши увид на местото на несреќата.