29 рудари заробени во рудник
Дваесет и девет рудари останале блокирани под земја по денешната експлозија во рудник за јаглен во источниот дел на Кина.
Околу 30 спасувачи се обидуваат да стигнат до заробените рудари во приватниот рудник во градот Хуајнан во кинеската провинција Анхуи, додека други триесет успеале да се извлечат, при што еден се повредил. Повеќето од рударите кои останале блокирани во рудникот се на возраст од околу 40 години.
Кинеските медиуми објавија дека Владата во јуни двапати побарала затворање на овој рудник, но тој продолжил со работа.
19.08.2014 - 09:05
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
