„Врие од туристи" - Охрид годинава со една од најуспешните туристички сезони

Охрид оваа година е туристичка дестинација во вистинска смисла на зборот бидејќи врие од домашни и странски туристи.

Градот е преполн од домашни и странски туристи од Холандија, Турција, Полска, Австрија, Кина. Хотелите, апартманите и приватното сместување е исполнето, пренесува Сител.

За добрата туристичка сезона показател се и преполните плажи и кафулиња во кои се бара место повеќе.

Градоначалникот на Охрид, Никола Бакрачески за Сител изјавил дека годинава очекуват рекорден број на посетители во споредба со изминатите години.

-Она што ние го очекувавме тоа и се случи. Охрид е преполн со домашни и странски гости и се тече според планот што ние во локалната самоуправа заедно со Секторот за туризам и локален економски развој го предвидовме и онака како што ги правевме сите подготовки за пречек на оваа летна сезона, објаснува Бакрачески.