Од понеделник стартува отписот на долговите

Веќе од понеделник, граѓаните ќе можат да поднесуваат барања за отпис на долговите. Со тоа практично започнува реализацијата на проектот на Владата за еднократно отпишување на долговите на најранливите категории на граѓани.

Министерството за финансии денеска го објави јавниот повик до граѓаните за доставување на барања за отпис на долговите.

Корисниците на социјална и постојана парична помош, невработени лица подолго од 12 месеци и лицата кои се изложени на социјален ризик поради смрт на брачен другар или инвалидност или потешка болест настанати во последните пет години, од понеделник ќе треба да го достават барањето до најблискиот Центар за социјални работи.

Како што информира министерот за финансии Зоран Ставрески, ќе треба да пополнат барање на веќе изготвен формулар. Граѓанинот со себе ќе треба да носи лична карта негова и на брачниот другар.

Во овој проект се вклучија сите банки во Македонија, ЕВН, ЕЛЕМ, Топлификација, МРТВ, две штедилници- Можности и ФУЛМ, како и Нотарската комора и Комората на извршители.

16.08.2014 - 14:03
Фото: 
лидер
 
 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега