Ја однела ќерката на игралиште - се боцнала на игла полна со крв и дрога

Мајка си го пуштила детето на игралиште, а кога се вратило дома дефинитивно се шокирала. Се работи за мајка од Хрватска, Маја Белич, која во вторникот ја пуштила својата ќеркичка Лота на детско игралиште, а детенцето кое се играло во песок, одеднаш се боцнало на искористена игла.

- Мојата ќерка седеше во песок и играше, а одеднаш врисна и почна да плаче. Кога ја кренав видов игла на нејзината нога, вели мајката.

Шокот за мајката и детето тукушто започнал бидејќи целиот ден го поминале по болници. Иглата била полна со дрога, а на неа имало и крв. Потресената мајка за Дневник.хр, раскажува дека цело семејство потресено ги чека резултатите од анализите на крвта на девојчето.