Спречен шверц на илегални имигранти во Грција

Грчката полиција во Атина и Солун успешно ја спроведе акцијата против луѓе кои им помагаат на илегални имигранти да влезат во земји од Европската унија, при што се уапсени еден Сириец и еден Египќанец, јави дописникот на МИА од Атина.

Сириецот (36) бил уапсен на новата железничка станица во Солун, откако презел десет други Сиријци кои дошле од Атина и ги ставил во камион со кој требало да ги однесе во Австрија.

Египетскиот државјанин (46) , бил уапсен во Атина за наводно ракување со парите кои ги платиле мигрантите.

Полицијата во Атина го пребарала станот на Сириецот, и интернет кафето каде што работел Египќанецот, при што е пронајдена лажна возачка дозвола за Романија, фалсификуван сириски пасош, 4.200 евра, четири мобилни телефони и три сим картички.

Според полицијата, секој од имигрантите кои сакале да ја напуштат Грција, морале да платат околу 3.000 евра.