Апликација за мобилен: „Охридско лето“

Македонското студио за развој на мобилни апликации „Codewell“ изработи нова апликација за „Охридско лето 2014“ за андроид и ИО7 платформите, достапна на „App Store“ и „Google play“.

Апликацијата „Охридско лето“ е достапна за сите заинтересирани, изработена на македонски и англиски јазик, со цел да се обезбедат информации објавени на веб-страницата на Охридско лето, неговата програма, вести, настани итн.

Апликацијата содржи четири категории: почетна, програма, „Facebook“  и категоријата „За нас”. Во првото мени е покажана почетната страница на фестивалот, со слика преклопник и  листа која ги покажува најновите вести во врска со фестивалот.

При кликање на елемент во листата се отвора веб прелистувач кој ги поврзува корисникот со веб-страница на фестивалот и ги покажува деталите за одбраната вест.

Следно мени е програмата што ги прикажува сите настани што ќе се одржат за време на фестивалот. „Facebook“ - менито покажува листа со Facebook објави од профилот на фестивалот. Последното мени содржи информации за фестивалот и неговата историја. 

МИА