Каролина ја откажа летната турнеја по смртта на нејзиниот менаџер
Смеј ми се, смеј", летната концертна турнеја на Каролина Гочева е откажана! По ненадејната смрт на еден од нејзините менаџери од "Авалон", Даниел Милошески, продукцијата одлучи да ги откаже предвидените настапи во Битола, Охрид и Дојран. Влезниците може да се вратат во продажните места каде што се купени со приложување на фискалната сметка.
"Оние кои купиле онлајн билети треба да испратат мејл на contact@kupikartizase.com со бројот на ваучерот и датумот на извршената трансакција", велат од "Купи карти за се".
Во рамки на летната турнеја Каролина требаше да одржи концерти во античките театри во Битола (24 и 26 јули) и Охрид (25 јули) и за првпат, во Дојран (Градски парк "Стар Дојран", 2 август). На концертите се очекуваше над 10.000 публика, а промоцијата на албумот "Македонско девојче 2" требаше да продолжи наесен со голем концерт во Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа