Александар Белов ја шета Викторија Лоба

"Кажи дека не ми припаѓаш" е новиот сингл на Александар Белов, кој официјално беше промовиран на финалето на шоуто "Танц со ѕвездите", наскоро ќе добие видео запис, пишува Вечер. Песната е дело на веќе проверениот тим со кој соработува пејачот, односно, музиката е на Антонија Шола, текстот на Огнен Неделковски, додека аранжманот е на Дарко Тасев. 
"Песната ќе ја паметам по "Танц со ѕвездите", а наскоро ќе почнам и со снимањето на видеото за истата. Но тука не застанувам. Очекувајте нов летен хит од мене на почетокот на јуни", изјави Белов кој додаде дека откако земал здив од напорните секојдневни тренинзи за потребите на шоуто во кое не успеа да стаса до главната награда, она со што ќе биде ангажиран следниов период се настапите низ Македонија. Белов веќе има закажано неколку тезги низ земјава, а како што ни откри, на некои од нив ќе го придружува и Викторија Лоба.